夜晚計劃行程到朝早幾乎冇睡過．未出發已經好疲倦．

五點鐘起身趕住出門口，坐A11巴士去機場，check-in
o左行李之後我地起大家樂食早餐，過o左移民局再去63號閘等上機．
嘩！架飛機好full呀，一個位都冇剩，去o左咁多次日本都未試過咁多人喎！
睡o左幾覺終於到o左日本成田機場啦！過海關又係咁多人，
等o左幾個圈先到我地呀，不過人在日本真係心情都唔同晒，
排隊都開心D架！之後去上野進發，撞鬼傻更更搭錯o左京城電鐵喎，
應該搭JR架嘛！唔緊要啦，都係一樣啦．

差唔多到四點半先到日光館，即刻check-in，二話不說就大拿拿比o左Yen36000，
咩都唔理就起程去玩啦，先去上野玩具舖買o左棋魂比阿貓，手搖龍貓比契女．
之後去有樂町，梗係為o左買Kitty啦．

到o左西銀座百貨地下，第一次親身來到Questina，好失望喔！
只係見到好少Kitty，同想像中相差太遠啦，係咁二買o左 12色Kitty公仔，
都可以啦！

之後上二樓Gift Gate同Vivitix，拿拿林買o左一大袋，有地區限定啦，
有萬勝節啦，仲有D其他野咁，都算大收獲囉！我地就起樓下間吉野家食
牛肉飯做晚飯，然後就返上野休息．我地仲起天橋底執o左個紙箱，
將買o左D野pack好佢，等有時間就去郵局寄．

湯米睇睇電視就ZZZZzzzzz....我都勀到就來死啦！