朝早五點起身，五點九就出門口，今日要去富士山，忍野八海同埋河口湖，好遠架，所以要好早起程囉！朝早七點半坐位Atsusa一號電車，好累喔！起車上面麵包做早餐，我個雞尾包都幾好味喎！

到o左河口湖，先用Yen400將兩個大行李放好入車站locker，然後就去搵去五合目的巴士案內所啦，河口湖往返五合目巴士一個人要Yen 2000，襯仲未夠鐘，我地就起車站附近行o左一陣，然後起七號站等巴士登富士山啦！可惜天氣唔係幾好，四圍都蒙查查，架巴士開得好慢，最緊要安全嘛！上到五合目，四圍蒙到連個富士山起邊度都睇唔到，唯有起車站附近D舖頭買番D紀念品啦．係咁二都買o左少少野，好似富士山符，同埋大杯啦，最開心就係起富士山小型郵便局寄o左明信片返香港比肥媽同埋瘦媽，都幾值得留念架．

之後搭巴士返河口湖，跟住再搭火車去富士吉田，用o左Yen210，到o左富士吉田，先去搵巴士案內所去忍野八海，單程就要Yen380，好貴喔！仲未夠鐘我地又去車站前的百貨公司走一趟，起Food Court食o左烏冬同埋餃子，又好味又唔貴，之後仲買o左腸腸同埋麵包留番聽日做早餐．之後就返巴士站等車啦．

上o左車真係幾乎嚇死，咁鬼多個站個個站都同張地圖完全有關係，真係九唔搭八咁，等o左好耐先知原來細站係冇寫出來架，真係自己嚇自己啦．都幾慘，等o左成十個站先至肯定自己冇搭錯車喎，你都咪話唔恐怖．

到o左忍野八海，簡直就係荒涼之地，一個人都冇，舖頭又冇一間開，連D屋都好似冇人住咁，真係心都寒埋．行o左好耐，行下又入D，行下又入D，唔份氣行下行下終於搵到間Lawson，入面有一張忍野八海地圖，用數碼機影o左佢唔份氣又行過，皇天不負有心人，終於比我地搵到似D樣的地方．失驚無神，忽然間好多人喎！係佢啦！比我地搵到佢啦！唔知佢地係大陸定係台灣客呢！唔好理咁多，快D搵忍野八海限定水滴Kitty先啦，原來忍野八海最出名係富士山溶雪流落來的水，又清又冰，所以咪用o左佢來做地區限定版Kitty囉！

我地跟原路出番大馬路，確定回程巴士站位置，再去附近便利店liu liu，唉！終於都起極度惶恐之下完成o左忍野八海之旅，安全咁返到富士吉田火車站啦．仲可以跟到schedule返河口湖，都好叻架啦！不過返到河口湖己經好遲啦，已經坐唔到觀光車啦，唯有取回寄存起locker兩件行件，起程搵我地間酒店啦！

途經觀光案內所，預到三個香港人，真係估唔到起D咁鄉下地方會預到香港人，不過佢地間酒店同我地間距離好遠，我地應該起湖邊，佢地就向反方向行，跟住地圖行下行下，行o左好耐，終於搵到河口湖Park Hotel，雖然唔係好高級，但係我已經好心滿意足啦．入到去見到間和室又大又舒服，真係開心到飛起，好似拍戲個D日本屋咁呀！咩都唔理沖番個靚涼先，然係就安安樂樂落樓下開飯，開惜又撞到一大團遊客好煩，好在我地唔使同佢地一齊食，我地起另一間房，除o左我地兩個，間房仲有一個日本人起度食飯，不過佢起第二張桌，好似好孤獨咁，佢仲請我地飲日本酒，不過我地第二朝要一早起程，我地都唔敢飲啦．

見到成個飯桌都擺滿晒一碟碟，真係又精美，又靚，真係有D唔捨得食架，我地食下呢樣，又食下個樣，好幸褔喔！好開心咁完成o左呢個（滿點）的晚餐，真係100分，好滿足！食到好飽喔！肚滿腸肥咁返房休息，當然不少得又係指定動作執行李啦，聽朝大清早就要起程啦，真係唔係好捨得呢個咁正的地方，仲食唔到聽朝個朝食，真係唔低．

唔知個間山岸酒店住o左D咩大人物呢，尋晚同朝早都九萬幾人搜住，成街都係山梨縣警察，又封路，又呢樣，又個樣，好似好巴閉咁喎．