今朝好早起身想起河口湖影下相，因為尋晚一大班警察企晒起條街好緊張咁，我地咁想野麻煩，所以冇理佢地就返酒店．尋晚咁夜咩都睇唔清楚，原來河口湖真係好靚架！我地原湖邊行，一路行一路影相，好舒服喔！好順利咁就行返車站啦，用O左Yen1110 返大月，坐Super Atsusa一號車2號卡14C,D位由大月去上諏訪．呢一卡車係禁煙架，架車又郁郁下，坐得好舒服．

落到上諏訪，先將行李放好起locker，用o左Yen400，然後對面Terminal 1搭巴士去車山高原，又用o左Yen1350，到o左車山高原站，呢度都幾荒蕪架，得個又殘破生鑄的巴士站頭，我地先去吊車站買飛，嘩！好貴呀！吊車往返要Yen2000喎，不過路程係分兩段架，頭一段就咁坐起張吊椅度，對腳fing fing下，架吊車同地面距離好近，一D都唔驚，望落個地下度好似見到自己對腳郁郁下好似識輕功咁跑得好快，好好玩，真係好好feel架，去到半山，再轉第二段，坐第二款有蓋吊車，呢一段吊車離地比較遠，所以感覺上是安全一點，又係另一種感覺，好玩，玩得好開心．

上到山頂一路向上行，見到最高點的地標，好高呀！我執o左車山高原地標脫落o左D木條留為記念．跟住我地再行o左一陣就坐番吊車落山啦．回程都係分兩段，其實往返吊車真係好值得一玩，Yen2000真係使得好值得！

我地本來想再坐巴士落山腳白樺湖，可惜送車尾，架巴士根本就冇諗住停站，如果佢係咁二停一陣我地都已經可以追得到，如困要等下一班車就要等多成個鐘頭，算啦，不如食飯先啦，然後再返上諏訪．我地起食堂度食咖喱飯同埋烏冬，再慢慢咁散步去巴士站，遇到三位好友善的婆婆，同我地傾o左好多野，仲一齊搭巴士返上諏訪，覺得好開心喔！

之後我地就由上諏訪坐JR去下諏訪，沿湖邊漫步返上諏訪，途中見到遠處的大噴水，好醜樣的天鵝船，我地又去到博物館，可惜又撞正休日有得入去，唯有再向前行，路過一個溫泉植物館，我地決定比Yen400入場費入去睇下，入面D花好靚，仲有好多好多蝴蝶，都幾好玩．再向前行，見到石彫公園同埋好尖好大的金屬地標，好得意架，佢好似一個好大好高的圓錐体咁，中間比人斬開兩邊，可以企個人起中間，都幾宏偉架．

行o左幾粒鐘，終於行到上諏訪啦，好累喔！又晒又冇得呢埋，晒足全程，幾乎變人乾呀！我地取回行李又行o左好耐先至搵到間酒店，個幅地圖簡直九唔搭八，又話自己起片倉館隔離，原來隔o左幾條街Tenya後面．如果唔係問o左個好心日本男人帶我地去，真係唔知仲要搵幾耐．去到酒店對住個女服務員真係無晒乎，我竟然一個字都聽唔明，完全溝通唔到，好在到最後都有房，放好行李，就行番出車站搵野食，太累啦，終於起麥當奴食o左野當晚餐，好累喔！