一早起身退o左房，就起程去車程，將行李放好起車站 locker，然後就起程去駒ke根，由上諏訪經岡谷，長野到駒ke根，全程都係同一架JR火車，唔使轉車架，千祈唔好中途o左車去搵第二班車喎，到o左駒ke根，搵到觀光巴士站，車長仲好好人教我去站頭買來回車票，包來回巴士啦，來回吊車啦，總共Yen4800，都幾貴架．

去到Shilabi平原風景好靚，滿山都係紅葉，顆顆樹都紅得不一樣，有D帶紅，有D帶黃，總之全個山都橙橙紅紅咁，好靚，簡直好似幅畫咁．秋高氣爽，心懭神怡，我諗就係咁樣境界啦！到o左Shilabi平原，即刻走入吊車站坐吊車啦！嘩！好多人呀！六十人一部吊車，感覺好似迫到好搭地鐵咁，好在我地企起窗口位，如果企起中間就真係咩都睇唔到啦．架吊車越升越高，感覺越來越斜，仲越來越凍．湯米都怕自己唔夠暖啦！

我地到o左站後，落車向左行o左一陣，又向右行o左一陣，已經凍到成個人都硬晒，行番轉頭去吊車站個陣我又執o左一顆小小的高原植物作為紀念，湯米好似已經冷親o左，我即刻買o左個熱野比佢飲，見佢坐起度呆呆地，比佢休息一陣就坐番吊車落山啦．落山個陣我地係車頭位置，仲見到富士山喎！唔怪佢起日本人心目中咁神性啦，去到咁遠都仲見到佢喎．之後我地又坐o左好耐火車返上諏訪取口行李．好趕咁起站側邊條小路一間舖頭仔度食o左返上諏訪取口行李．好趕咁起站側邊條小路一間舖頭仔度食o左烏冬，然後就好趕咁搭JR去松本，再轉車去長野，好累喔！

到達長野站，終於回到市區啦！個人都好似鬆番D咁樣，唔使樣樣都咁緊張，驚住擋失路嘛！起個D鄉下地方，搭錯一班車可能要等第二日先再有車架，所以精神方面其實好緊張．但係返來市區感覺就唔同啦，就算搭錯車，好快就有第二班，問題唔大嘛！我地一出車站就已經見到酒店，真係好啦，好近呀！我地馬上check-in，住523號房．

之後落街四圍行o左一陣，湯米好似越來越唔舒服咁，我地就起站前食店食o左親子當同埋豬扒定食，湯米仲連胃口都冇埋，好擔心喔！我地決定早D返酒店休息，要比湯米好好地咁休息夠，先浸一個熱水涼，再食葯，然後就上床休息．佢成晚都郁來郁去，我估佢一定係好唔舒服，可能佢今日冷親o左發燒啦，真係辛苦佢啦，不過就連我都睡得唔好啦．