一早起身check-out，其實間酒店幾錯喎，完全冇問題喎！唔知點解D人話呢間酒店對外地人唔好呢？

我地坐JR由靜岡去熱海，架火車好得意架，一邊面對面單座位有咩特別，但係另一邊D就一排座位向晒窗，好難形容，睇下幅相就明架啦．我諗係因為途經熱海海景實在係好靚，呢個設計係比乘客舒舒服服咁睇海景架．今日天氣真係好到冇得頂，個海又真係好靚喎！呢度就係花樣男子裡面道明寺隻遊艇埋岸個度啦，仲有竹子同埋和也企起度個碼頭，一諗起道明子，心情即刻好高漲，好似同佢接近o左咁，好興奮喔！

我地起熱海站轉車經伊東直達伊豆稻取，嘩！短短私鐵路程每人要補Yen1120，好貴呀！到o左伊豆稻取，我地遇到一個好好人站長，仲教我地買套票去動物遊園地，包來回巴士，又簡單又容易，仲係最最慳錢的方法．

到o左動物園，梗係一定要去小賣部行一個圈啦，搵定晒想買個D特別動物園限定Kitty位罝，然後就入場啦，起一個外表咁普通的動物園入口裡面，真係估唔到入面可以比到我呢種feel，真係好開心，好意外，好在我地有來到呢度，如果唔係真係miss o左D好野．呢度有好多好多動物，有斑馬，牛，和種羊，牟牛，長頸鹿，刺蝟，小倉鼠，兔仔，山羊，綿羊，馬騮，孔雀，猛獸，熊貓，真係咩都有，好多好多！我咁大個人都係第一次親手比野長頸鹿食，原來佢條利係黑色架，除o左食樹葉，佢仲鍾意食蘿蔔，我地又同孔雀混埋同一個籠，佢望住我，我望住佢，感覺好得意，D鐵門開完一個又一個，仲有D Jurassic Park feel，不過就一D無危險，我地坐巴士深入動物區內走一圈，同佢地近距離接觸，好好玩，好興奮．

最後起賣店買o左好多剩係起呢個動物園先至有得賣的限定版Kitty，真係不枉此行，超晒時都係應該架，真係有D唔捨得走．離開動物園，又返去伊豆稻取站，問站長來回今井濱海岸站火車時間，知道而家冇Kitty火車，剩係夏天先有，好失望，佢仲送o左兩個伊豆稻取鐵章比我，真係有錢都買唔到，呢個係一個好好的回憶，多謝站長先生．我地仍然想去今井濱海岸站睇下，攪咩呀？一個Kitty都冇，未來之前都心知個站好細，但係唔使咁盡，連一個Kitty都拆走晒架？最慘就係要等成粒鐘先有第二班車回程，唉！真陰公！

我地終於等到由今井濱海岸站，經伊豆稻取，經伊東，返熱海，再起熱海轉車經新橫濱去東京返上野日光館，我地到o左日光館，老板娘竟然唔記得o左留番上次間房比我，唯有比地下101個間房我，見佢一萬個對唔住，唔緊要啦，應該係會嘈D，不過又方面D啦，我地咁多行李，搬起上來都容易D嘛！我地入房pack好兩箱野，一人一箱去郵局寄返香港，一切都好順利，記住下次唔可以包膠面起外面，唔收架！

之後我地又起程去川崎啦，有兩間Kitty Shop同埋一個Kitty葯房，梗係又買o左一大堆Kitty啦．之後當然又去有樂町啦，順路嘛！到o左西銀座又發現生日Kitty已經出o左啦，我緊係忍唔住啦，仲買埋比BoBo添呀！係382同埋388號靚number喎！真係估唔到呢度有得簡number喎，就算起Saniro Puroland入面買都冇得簡啦．

湯米去o左Record Tower買CD，我地起Questina門口會合，再去對面HMV買CD，返日光館又pack野，再去松屋食飯，好累喎(~_~)