朝早遲0左出門口趕唔到去輕井澤架火車，決定直接去高崎，但係又未夠鐘，咪0係上野火車站食麵包同埋飲蘋果汁做早餐囉．仲可以有時間寫下日記，唔係咁趕都係好架．

我0地出0左另一套火車飛去高崎，係0845/0945，去高崎係為o左一間百貨公司前幾個月出o左五十週年限量版Kitty公司，所以特登去博下運氣，行0左都好遠下終於去到呢間百貨公司啦，可惜．．．已經冇晒啦，當然好失望，但係我o地已經盡晒力去搵，人地賣晒我地都冇辦法，為有毫無怨言咁走啦．

跟住就去o左十宮Oomiya，再轉車去仙台，o係火車裡面行來行去搵locker，大部份都已經爆晒，好彩我地都搵到一個放好行李，見到有免費internet喎，即刻一次send o左幾個貓返香港．之後就走程去石卷啦，原來都好遠架喎！要成粒幾鐘先到，終於到o左石卷啦，天都黑啦！我地由JR石卷站行去石卷漫畫館，沿途都有好多唔同的地標指引，唔難搵，大概行o左15分鐘就到目的地∼石卷漫畫館．

雖然我唔係特別鍾意幪面超人，電腦奇俠，五勇士，叮噹同埋小露寶，但係又一定唔會好陌生，始終呢D卡通都係陪住我地成長架，漫畫館入面有好多野睇，地下係小買店，二樓係劇院，三樓係展覽館，頂樓係圖書館同埋食堂．個館唔係好大，但係好值得去參觀下．

我地大概十點鐘返仙台，開始搵兩間Kitty Shop，一間係Detei 8/F，另一間係地舖Gift Gate，不過兩間都冇咩特別野買，時間無多，我地見到Detei（一間好似國貨咁o既百貨公司），決定入面買D衫
比湯米，因為佢帶來D衫真係唔夠暖，我地之後幾日仲要去北海渡好鬼涷架，呢度D衫又平又靚，湯米一直都好鍾意係呢度買衫架．

之後琴琴聲係個up-dub飯堂食o左個炸蝦同埋豬扒飯定食，
趕到死好似倒落去咁，食完又砰砰聲去火車站取回行李，
再飛奔上火車，好在趕到．．．因為我地今晚要起火車過夜，
為o左唔會好似上年去鹿兒島個陣咁辛苦，今次特登加錢要
間火車房，起碼有張床唔使咁辛苦嘛，如果趕唔到班車就陰公啦．
好在上到車．我地間房係第五個車廂五號室，係二人一室．
入面原來好細，度間可以自己set密碼，我地set o左3510，
同我地預計一樣係冇得沖涼架，不過車廂入口都有洗面台，
我同湯米一齊起個度刷牙洗面，湯米仲勁到剃鬚呀！
利害，利害！返房之後我地快快趣趣咁執好行李就ZZzzzzzz.......

較o左個鬧鐘四點鐘，好慘呀！好在我知醒，原來車長知道
我地會起函館落車，特登走來搞門叫我地起身，如果人地來
搞間我地仲一隻死豬咁係張床度就失禮死人啦！