鬧鐘冇響，唔知身！趕車趕到幾乎死，好在間酒店近車站都趕得切，我地去一NO關轉車去石越，太過份啦，車站竟然四圍都係田，仲冇locker喎！梗係冇站印啦．慘啦！冇locker，即係要拖住D行李四圍走啦！點都好啦！我地要面對現實啦．拖住兩件行李去搭巴士啦．．．．行到去巴士站（其實只係一塊咩都冇o既爛地）等巴士，我起一間爛屋仔度被寒等車，有排都未有第二班巴士，湯米去附近買早餐．佢買o左肉包同埋炸香腸包番黎．

巴士到啦，我地兩個就好騎厘咁拖住兩件行李上巴士，一路上都係好荒蕪o既地方，好落後喔！田呀！樹呀！到站巴士司機提醒我地落車，我地兩個就傻更更咁拖住兩件行李行入石森記念館．見到Information Counter，我地買o左入場券，太好啦，我地可以將行李keep住起
佢地度，唔使拖住佢起個館裡行來行去．我地行o左一陣，
影o左好多相，又買o左CD，又係時候要等巴士走啦，
行出路邊站度等巴士，原來對面係石森先生屋企，
湯米過去睇o左一陣，不過我冇入去，唉！又拖住兩件行李，
車又就到，去咩鬼喎！趕唔切出番黎走o左班車就大鑊啦．

跟住我地就搭番巴士返石越站，再轉火車去松島，
落車見到大locker，滿心歡喜即刻將所有行李放晒
入去，入埋個Yen500，攪掂，點知湯米話我地去
錯o左站，應該係去松島海岸站，唔係松島站，
我地白白浪費o左Yen500，即刻開番個locker取回
行李，搭的士過去松島海岸站．好快就到，
起站頭有一個都幾大o既觀光案內所，站側邊剩
係得D細locker，我地竟然可以將D行李寄存起
案內所，每件Yen200，太好啦！我地步行去海邊，
途經一間食店，門口側邊開o左一個大窗，
個店員起度燒緊D新鮮o既海產，嘩！妤好味咁喎！
忍唔住即刻走入去又要呢樣又要個樣，
好快就有得食啦！好幸福呀！

跟住我地就起海邊賣店行下，買o左一大堆地域Kitty，但係始終都搵唔到響螺Kitty毛公仔，有冇攪錯．我地仲坐遊覽船，出海睇靚景，仲可以用蝦條喟海鷗，真係好開心，好好玩，不過真係好凍喔！呢個旅程真係畢生難忘，正！

坐完船就四圍行下，再搭火車經仙台去宇都宮．可能因為坐船太凍，上o左車都仲係成個人凍冰冰，仲舖埋湯米件大褸起面，夜晚去到酒店先至暖番D，我地仲食o左宇都宮最著名o既餃子，好好味！