起上野食洋朝食，好好味，好安樂． 跟住就去城成學園醫療中心，今次終於有開門啦！都未見過咁正o既醫院架，入到去覺得佢成間科學院咁樣，又有小朋友玩o既地方，又有得睇得得B，我地落Basement，已經餐廳，就見到賣啦，我馬上買齊三個Kitty，Daniel，同埋Mimi毛公仔，意外地Cashier竟然會用Saniro專用大紙袋，我意外喔！

之後去o左大和站，落住雨，又行o左好耐都搵唔到間Kitty麵包舖，原來我地行過龍，好在到最後都搵到，間舖裝修完之間又真係靚好多喎，不過上次個好好人o既姐姐都唔見人啦．成間舖都唔同晒，我地買o左綠白色Kitty同埋三個包，起火車度食，之後就到南林間站Kitty燒，間舖好細，就咁起街邊，有兩個男仔企起入面，櫃面一盒燒章魚丸，我地買埋呢一盒，佢地兩個就唔知仲有咩好做啦．我地起舖仔後面商場仔度食，都可以啦，不過就有咩驚喜啦．

下一站就係Saniro Puroland啦，一去到佢話今日D飛賣晒喎，大大個牌擺起門口，真係比佢嚇死，我好可憐咁求佢終於都肯比我地入場，不過就要Yen3000一張入場，好貴喎！仲以為有coupon可以四點鐘後用Yen1000入場，原來要星期六日先得架，好慘，早知就一早入場啦，都係想慳D錢囉！入場第一件事就係去Kitty House排隊，因為五點就關門啦，再遲D，可能排都冇得排，湯米就幫我四圍搵下有咩特別野要買，佢仲上埋二樓挾公仔，但係我唔可以行開，見到有靚靚挾公仔都冇時間挾佢啦．記得上一次合二人之力挾到兩個一套溫泉Kitty同Daniel大公仔，今次就冇時間啦，真可惜．不過湯米都得到一個金幣比我記念．我地終於入到Kitty House啦，仲同Kitty影埋相，佢仲親手送禮物比我，好開心喔！

之後就呯呯去買野啦，湯米又走來走去幫我取相，今次好在佢起度，如果佢唔起度，我可能緊張到暈低都唔定．好在最後都做到晒要做D野，真係多得湯米啦．

之後我地去o左向ke丘遊園站o既Kitty燒，呢間就大好多啦，入面仲有幾個人，我又買o左野囉，仲包括一個Kitty燒杯喎．回程途經有樂町搵十二月份Kitty Point Card 公仔，不過只有粉紅色，再返上野食咖喱飯，都幾好味，最後就返日光館休息囉！