記得起札幌個陣上個網知道今日Hello Kitty 作者山口裕子今日會係新宿伊勢丹本館有兩場簽名會，每場限定三十名．兩場分別係上午十一點同埋下午兩點．開始前三十分起玩具部counter買整理券，每張Yen500．

你以為我係邊個呀！我梗係會晨咁早就起身去排隊啦，去到Isetan本館幾個入口都有人排緊隊，但係又唔知佢地起度排咩野，問過兩個Isetan職員，都冇一個可較o既答案，決定返本館大門等開門．大門一開就走去搭電梯上六樓，問Saniro個姐姐，佢話唔係呢度買，要起對面現具counter度買，我同湯米就起個個玩具counter度賴死唔走，一路堅持到十點半佢地開始賣票唯止，勁呀！我排第一呀！我一次過買o左兩整理券，可以簽兩個名嘛！

大會安排o左簽名起一個花花Kitty個身度，又或者可以簽起張簽名板度，小耳朵梗係冇咁簡單啦，我特登帶埋個Kitty生日公仔去請山口裕子小姐簽起個公仔個盒面，真係不知幾靚喔！

山口裕子黎到啦，佢手拿一個旅行袋，頭頂一頂可愛有兩條辮o既冷帽，我拿拿林就�卻左個生日公仔比佢簽，因為我有兩張券，簽完個生日公仔盒面，仲可以再簽多一個簽名咭，兩款唔同架，真係超級開心喔！我仲同山口裕子握手同埋影相，真係好似發夢咁，最後個人就浮浮下咁樣唔知幾時離開o左現場啦．呢個夢真係太開心啦．唔係夢黎架，我屋企真係有呢個山口裕子親手寫上我個名o既Kitty架，仲有咁多相，我真係同山口裕子一齊影合照架，嘩！咁開心點算呀！

跟住我地去o左原宿KiddyLand，好大地方，好多野賣，不防一去．再去大崎，睇下個度換唔換十二月份Kitty公仔，唉！又換晒！我可能興奮過度啦肚仔痛喎，湯米送我返日光館休息，然後佢就再出去自由活動啦．好似話想去秋葉源同埋中野喎！我就自己好好地咁起度�啎@陣，然後我就自己去o左上野，二木之果子，同埋<池>買手信，買o左三大袋，好重呀！唯有先返日光館放好，然後再出黎行01City啦．八點鐘左右返日光館執野，湯米就大概九點鐘返黎，仲幫我手執好D野，成十二點幾先�唭r！