去o左日本咁多次，不時幫同事朋友計劃日遊行程的小耳朵，
第一次跟團去東京，真係有D唔好意思講比人地知．

兩年一度請肥老豆肥媽去旅行，
為免有任何出錯，確保食好住好，小耳朵下定決心要跟團，
本來就肥老豆意願報o左康泰韓國團，因為人數不足未能成行，
後來肥老豆話不如去日本，咁就報o左縱橫遊o既東京箱根五天團啦．

　領隊Kelvin Ng帶住21隻鴨仔玩o左五日，
新宿/上野/御徒町/御殿場Outlet瘋狂購物，香草園/平和公園賞櫻，
富士急遊園地玩恐怖鬼屋驚餐死，Hello Kitty Land坐船仔重獲童真．
箱根小涌谷暢玩溫泉水上樂園，
池袋太陽城水族館睇海洋奇真，參觀台場一番街/小香港，
台場大江戶溫泉物語嘆盡日本光豬溫泉，
食過一萬Yen一碟o既超正魚生，一萬Yen一塊A級雪花神戶牛柳，
大家開開心心，個個滿載而歸．

這是給肥老豆的生日禮物，
祝你生日快樂，身體健康．

2004年4月25日-29日