Day 2 - 2月4日(星期五）
 |
撞鬼囉！話說小耳朵一向都引以為傲o既就係小妹從來唔需要依賴鬧鐘叫我起身o既，好似今次咁樣，我地要坐朝早六點二班車，為安全起見，我就預先較好個鐘係五點二響，結果佢未響我就自己醒o左啦，不過起我醒o既同時，小耳朵亦都發現o左一樣好重要o既野，就係∼∼我唔記得將個鐘撥快一個鐘呀！日本同香港有時差o架嘛！日本快一個鐘o架嘛！係人都知o架啦，撞鬼囉！我地起香港時五點二起身，咪即係日本時間六點二先起身囉！咪即係架車開你先起身囉！傻瓜！ |
|
| 即刻彈起身擾攘o左幾分鐘，終於諗通o左，決定大覺瞓．因為跟行程我地今朝一定要搭到呢班火車，因為如果miss o左呢班，就算搭下班都無可能趕得切去藏王接住巴士上雪山，冷靜落來知道趕到比埋條命都唔會趕得番咪好好地返上床瞓多陣囉．之後連續兩晚夜車喎，今朝瞓多些少都應份啦．咁就好安樂咁瞓到八點先再起身啦．先去上野駅出飛直接去仙台，時間唔多咪買麵包上車食囉．小耳朵一份三文治，小湯米就食哈密瓜朱古力包，都幾好味喎！ | ||
|
去到仙台駅，先去觀光案內所攞料，因為原定計劃唔應該有咁多時間起仙台，所以無咩料起手，好在仙台都唔係鄉下地方，都有好多地方好去喎！我地選擇o左最簡單o既方法，就係搭觀光巴士循環線，其中再集中行一兩個景點，加D購物點，再加埋食最出名牛たん，攪掂！ 唔好講咁多，買番張巴士一日乘車券先， |
 |
|
 |
第一站係瑞鳳殿，佢係仙台藩祖伊達政宗公靈堂，在杉木叢中，華麗的建築，豪華得有點嚴肅，高貴得有如皇宮一樣．據講呢度長眠著兩代忠宗公，同埋三代網宗公，總知就係大人物地方，唔怪得靚到令人叫絕啦！入場費每位Yen 550，仲包埋瑞鳳殿資料館，感仙殿，善心殿，妙雲界廟同埋御子樣御廟．係影相好地方，點影都咁靚． | |
| 然後就去仙台城跡(青葉城址)．小耳朵就起呢度買o左一大堆Kitty囉！估唔到舊城跡竟然會有咁大個商場，其中一間仲有好多地區限定Kitty野賣，小耳朵當然買到兩隻手都攞唔晒，小湯米好合作咁比個購物籃我先可以繼續挑選心頭好．終於一籃裝到滿咁埋去counter比錢，先係個女售貨員幫我計數，計計下老板自己來幫我計，佢仲主動咁比個discount我喎！唔止咁，佢見我買個D全部都係Kitty，就知道呢個姐姐一定好鍾意Kitty，於是仲再送一張Kitty貼紙同埋兩個Kitty毛公仔比我，好開心！因為係我無o既毛公仔o黎o架！發達啦！ |
 |
|
 |
||
 |
買完野，睇埋仙台全景，影埋相，就再坐觀光巴士去市役所前站落車，先醫肚．我地行吓行吓發現千房好味燒，個樣好好味咁喎，咪即刻走入去搵個靚位坐低，叫o左一個好味燒同埋一個炒麵，小耳朵剩係想食唔想做，所以叫個哥仔幫我燒埋整好晒先至剷出o黎比我地食．嘩！好味到呢∼∼∼正！正！正！
食飽好味燒，就梗要去Shopping啦，去o左1-4-1，三越，商店街，行o左成粒鐘． |
|
 |
登登登登∼見到小湯米至愛Daiei，好似香港地o既國貨公司咁，佢就係日本人心目中o既國貨公司，日本人就唔多鍾意行，不過我地呢D唔係日本人o既就覺得入面好好玩．九成野都係日本製，又平又多，我地個大旅行喼都係唔知邊次去日本個陣起Daiei到買o架，小湯米有D衫，小耳朵D手套都係之前起Daiei到買．今次小耳朵又買o左個頸套，來緊呢幾日可以當頸巾咁用，又唔會好似頸巾咁煩跌跌下咁煩，Yen500，低到爛！ | |
|
又再行o左一陣，腳軟咪去KFC坐低休息下囉，我地仲偷偷地瞓o左一陣，精神晒！到晚飯時間，當然就係要去食仙台名物牛たん啦．咁多間分店，間間都坐滿人．我地終於都搵到兩個bar 枱位，好過無啦，即刻叫o左兩個set，等唔切佢來小耳朵又要趕去車站買仙台駅限定Hello Kitty便當，好靚o架，第二度無得買，仲要每日限定數量，賣完就無． 買到Kitty便當個心安落晒就標返o黎食牛たん，不愧咁出名，又真係幾好味喎！不過咁飽就真係再食唔落Kitty便當啦，留番聽朝做早餐啦． |
 |
|
|
小耳朵已經攰到唔想行，小湯米就自己再起駅附近行o左一個圈，咁就去新幹線locker攞番行李搭夜車去登別啦．架夜車好full呀！我地都算好彩，好在早D出晒D飛，仲可以買到最後一卡，最後一格兩張上格床，小耳朵個下格床係一個女人，大概十一點幾上車，小湯米下格床係一個男人，就成十二點先上車，咁就即係話全車滿晒，一個床位都無剩！
|
 |
|
