朝早起天河食自助早餐，食飽返房執好野check-out諗住行出巴士總站，點知去到酒店門口佢地好鬼熱情係都要用酒店車送我地，咪上車囉，三分鐘就到o左巴士站，佢仲帶埋我地去買巴士飛，攪掂晒先鞠晒躬咁走．實在係太週到啦，本來諗住慢慢行出來，而家咁早企o左起巴士站都唔知做咩，我地咪行番落阿寒湖影多兩張相，先至上巴士囉．

9:25am巴士開出會停四個景點，終站係網走．10:45am去到摩周湖第一展望台，只停20分鐘，落車之後分左右兩面，我地先去左面，嘩！真係好靚喔！好靚o既湖景！跟住又去右面，冰冰涷喔！

11:35am到第二站硫黃山，只15分鐘，但係地方好大，一落車我地就跑去買硫黃蛋Yen400有五只，又影相，仲要跑番轉頭去賣店睇下有無特別野，好忙喔！返上車就請司機叔叔食一只，自己又起度食，好味！

12:05pm係第三站砂湯，呢度設備好完善，連個公眾廁所都靚到絕，賣店又大又有地方比人休息，門口有好多鵝比遊人買野喟佢地，正面就係無敵砂湯靚景，勁靚！呢度足足停o左40分鐘，對於小湯米小耳朵呢D咁o既自由人來講，似乎太耐啦，攪到我地行來行去等巴士開門囉．

1:20pm到第四站美幌山卡，全程最最最寒最靚之地，可惜只停15分鐘，真係靚到唔捨得走，我地影相影到唔知時間，D人走晒都唔知，回程咪唯有走到一仆一碌咁，仲要去賣店吸人同埋睇野，人地成車人起度等我地兩個，真係唔好意思∼ Su mi ma sen ∼　好在個個站都有人遲到，我地兩個record好第一次遲到少少都唔會比人啤住 q(^o^)p

到o左網走，先去觀光案內所�垣ヾA起�o側立食飲o左超正蟹湯同埋烏冬，好好味喔！行o左五分鐘就到酒店，放好行李就起程去網走小雪祭．搭巴士去好快就到，但係落車之後就行到隻狗咁啦．個會場設計真差勁，明明會場就起正巴士站對面，但係個會場入口呢就整o左起十丈遠，攪到人地要行一大段冤枉路去到入口，入o左去又要行番一段路返回巴士站對面個會場，不知所謂！