Day 7 - 2月9日(星期三）

坐完夜車，一早六點半到o左札幌車駅，梗係先去食早餐啦．起地下街食o左洋朝食set，唔錯！特登坐近門口張枱，一來空氣好D，二來因為o個度有個插頭，可以幫我個數碼相機义電，尋日起網走又碎冰船，又流冰館，個機無晒電啦，坐夜車又無得义電，我諗今日都要用後備APS相機啦．

食飽o左先去酒店寄存行李，一身輕就去北海道舊本廳影下相，本來想去北海道大學白楊樹路影相，但係因為唔順路，所以無去到囉．舊本廳望落真係幾靚，我地仲見到其他人取景影相，有男有女，証明個景真係正囉．

然後就慢慢咁行去時計台啦，次次行過都無入去，今次去到仲有十分鐘先夠鐘開門，不過門口已經有人排隊等買飛入場啦．我地起時計台對面馬路坐大廈二樓影番過去時計台，又望下街上D人，咁就夠鐘啦．

又估唔到時計台入面咁多野睇喎，佢以前係學堂來o架，D學生仲曾經奮勇救火護校，呢個建築物仲曾經成舊咁搬前o左，唔同時代，外型設計一路都無咩變化，不過顏色就變過好幾次．館內仲有呢座建築物起唔同時代用過o既建築物料，設計等等．熱誠o既工作人員仲會主動介紹，仲有介紹大鐘內部設計，較鐘示範等等．唔入過去你又點會知道二樓原來有個大禮堂，成間教堂咁呢．值得一去！

來o左咁多日，終於到行程重點∼札幌雪祭啦！我地今日主要行程就係集中睇雪祭，計劃先由電視塔開始行到五丁目，轉去狸小路行街，再去簿野，拉麵橫町食拉麵，番Susukino會場搭車去真駒內會場，之後再返大通公園行埋後半雪祭會場．咁樣就由頭到尾都無重疊路程，以最短時間後晒要去o既景點．勁！

前幾日來偷睇大通公園雪祭o個陣，見到＜冬季戀曲＞會場內o既俊尚不知幾神似，仲好讚嘆工作人員鬼斧神工，點知今朝再同俊哥見面，個面部表情變晒啦∼溶o左D 一Pat Pat啦，真陰公囉！

快D去望下Hello Kitty睇下佢有無事，好在佢仲係好靚靚咁企起度，似終卡通人物面部表情唔使好似真人咁細緻，要執番都好容易．不過我地似乎都係太早啦，因為雪祭會場內Saniro Gift Gate仲未開，又要等多一陣．

小耳朵為o左同大家分享雪祭樂趣，特登由頭到尾，嚴選百款雪像帶到你面前，千祈咪錯過，一定要望下喎！